Wednesday, 13 August 2008
ချစ်သူ့ဒိုင်ယာရီ(၄)
ကျွန်တော် ဒီနေ့မနက်မှာ စောစောအိပ်ယာကထဖြစ်တယ်။ ပတ်ဝန်းကျင်ကြီးကတော့ တိတ်ဆိတ်သော မျက်နှာနဲ့ ကျွန်တော့် ကိုငေးကြည့်နေလိမ့်မည် ဟုထင်ရပါသည်။
တစ်လွဲစီပါပဲ.....စိတ်ကူးနဲ့လက်တွေ့ကတော့။ ပတ်ဝန်းကျင်ကြီးက တုတ်တုတ်မျှ မလှုပ်။
ဒါနဲ့ ကျွန်တော်လဲ ကမ္ဘာမြေကြီးကို ပိုက်ကွန်နှင့်ခြုံငုံပြီး လေ့လာနေလိုက်တယ်။
ဆန်းကြယ်မှူ လျှို့ဝှက်မှုများ တဲ့ နေရာကြီးရဲ့ လစ်ဟာမှုကို တစ်ခဏလေး အတွင်းမှာပဲ ဖြည့်ဆည်းခံလိုက်ရသလို ကျွန်တော့်ရဲ့ အာရုံတွေ ကယောင်ကတန်းဖြစ်ခဲ့ရတယ်။
သြော်............တယ်လဲဆန်းကြယ်ပါဘိ လူ့ပြည်ကြီးရယ်လို့ ဂြိုဟ်သားတစ်ဦးသာ ကျွန်တော်ဖြစ်ခဲ့ရင် ပြောမိမှာ အမှန်ပါပဲ။
ကျွန်တော့် ကိုယ်ကျွန်တော်လဲ မယုံသင်္ကာဖြစ်ခဲ့ရတယ်
သေချာပါတယ် ကျွန်တော် နွံနစ်နေပြီလေ.........သူ့ရဲ့" အချစ်" ဆိုတဲ့ နွံအိုင်ကြီးမှာပေါ့
လှုပ်လေမှုပ်လေ ဆိုတော့ မလှုပ်သာ မလူးသာဘူးဖြစ်နေတော့တာပေါ့ဗျာ........။
ပြောမယ့်သာပြောလိုက်ရတာပါ........"အချစ်" ဆိုတာကြီးကို ကျွန်တော် အခုထက်ထိ သေချာမသိသေးတာတော့ အမှန်ပါပဲ။
စပ်မိစပ်ရာပြောကြတာလေးတွေတော့ ကြားဖူးနေတာပေါ့......။
တစ်ယောက်ကပြောလိုက်ရင်တစ်မျိုးပေါ့..............။ ဟိုတစ်ယောက်ထပ်ပြောတော့လဲ နောက်တစ်မျိုးထပ်ထွက်လာပြန်ရော...........။
Subscribe to:
Post Comments (Atom)
No comments:
Post a Comment